कथा :- नकळत सारे घडले भाग-3

 कथा :- नकळत सारे घडले भाग-3

 

 

अग तू मला काल इतके सुंदर आणि कायम स्मरणात राहील अशी भेट दिलीस, मग मला नको द्यायला, म्हणून हे नियोजन केले. मग... कस वाटलं तुला हे सरप्राईझ☺️ सागर ने असे तिला विचारले. भावनाने ही... मस्करीतच हो.... आवडलं असतं, जर थोडीशी तरी कल्पना दिली असतीस तर. तसा सागर चा चेहरा पडल्या सारखा झाला होता, पण लगेचच भावना ने सांगितले, अरे... मी मस्करी केली रे... मग किती रडवलेस.... कालपासून मला. पण खरचं.. खूप छान गिफ्ट आहे माझ्यासाठी, असा.. तू माझ्या सोबत☺️. असाच कायम रहा माझ्या सोबत असे म्हणून त्याच्या कडे बघत मनापासून हसली.

      भावना खुप खुश होती, सांगली स्टेशन आले होते, सागर  च्या हातात हात घालून भावना त्याच्या शी गप्पा मारत होती. काय? आणि किती?... बोलू असे तिला झाले होते. तिची अखंड बडबड सुरू होती, आणि सागर ही सारकाही ऐकत होता. भावना ने त्याला विचारले... काय रे सागर ? तू याआधी मुंबईला आला होतास का? सागर ने☺️ हसूनच नाही ग .. पहिल्यांदाच येत आहे असे सांगितले. म्हणजे तू मुंबई पण पहिली नाहीस, अरे वाह... किती मस्त ना.... खूप मजा करूयात आपण... मी दाखवते तुला असे सागरला म्हणाली. अग भावना मी तुला सोडून लगेच निघणार आहे, मी नाही थांबणार... आणि जरी थांबायचे म्हटले तरी माझे कोणी मित्र परिवार नाही, नातेवाईक आहेत पण कसे जाऊ? घरी कळले तर गडबड होईल असे म्हणता भावना नाराज झाली होती.
 

 थोड्या वेळेसाठी ती काहीच बोलली नाही. सागर तिला समजवण्याचा प्रयत्न करीत होता, अग.. आपल्या दोघां बद्दल घरी कळले तर?... म्हणून मी नाही म्हणत आहे. पण काही केल्या भावना चा रुसवा जात न्हवता. शेवटी एक मोठा दिर्घ श्वास सोडून... सागर ने ठीक आहे... बाबा तुझ्याच मनाप्रमाणे करूयात आपण☺️. तशी भावनाच्या गालावर कळीच☺️☺️ खुलली होती. त्यातच तिचे ते मधाळ हास्य, चेहऱ्यावर पडलेल्या उन्हामुळे आणि हवेने उडणाऱ्या बटांमुळे ती अधिकच सुंदर दिसत होती.


 ट्रेन ने पुणे स्टेशन गाठले होते. दोघांना ही भूक लागलेली होती. सागर ने.. तू काय खाणार?... असे विचारता तिने इथे भेळ खुप छान मिळते आणि त्या सोबत पेरू आणावयास सांगितले. सागर ने पटकन ट्रेन मधून उतरून तिने सांगितल्या नुसार ओली भेळ आणि चांगले निवडक पेरू घेऊन आला. दोघे ही फ्रेश होऊन, ओल्या भेळ चा आस्वाद घेतला, भावनाने सांगितल्या नुसार भेळ खरच चविष्ट होती. सागरला ला ही भेळ आवडली होती, पुन्हा जाऊन दोघां करिता त्याने ओली भेळ आणून ती त्यांनी संपवली देखील. दहा ते पंधरा मिनिटां नंतर ट्रेन पुणे स्टेशन वरून मार्गस्थ झाली होती.

 तीन ते चार तासात दादरला पोहचणार होते. सागर ने... भावनाला विचारले.. अग मी दोन तीन दिवस कुठे राहू? माझ्या मते हॉटेल वरच राहिलेले योग्य असेल नाही का? असे विचारताच... आमच्या घरी... असे भावना म्हणाली.अग वेडी आहेस का?.. का? आमच्या घरी राहायला तुला काय हरकत आहे?...हा☺️.... तस तुमच्या सारखे मोठे नाही,.. तीन बेडरूम चा फ्लॅट आहे. तुला जमेल ना☺️☺️? असे हसतच म्हणाली. सागर ही.. अग तस काही नाही पण कोणाला कळू नये म्हणूनच असे म्हणालो, आणि मला ही तेच योग्य वाटतंय.असे सागर म्हणाला. जरा विचार करून भावनानेही हो.. ठीक आहे म्हणाली. दादर ला आहेत चांगले हॉटेल्स, पोहचल्यावर बघू असे म्हणत तिने त्याच्या हात आपल्या कवेत घेउन त्याच्या खांद्यावर वर तिने डोक ठेवले आणि गप्पा मारू लागली.

  मुबईत कोण कोणती ठिकाणे चांगली आहेत त्यांच्या बद्दल त्याला माहिती देत होती. मधेच सागर ने तिला मला लोकल ट्रेन मधून प्रवास करायचा आहे, खुप काही ऐकून आहे, म्हणे खूप गर्दी असते, मला ती गर्दी बघायची आहे आणि त्यातून प्रवास ही करायचा आहे. तशी भावना म्हणाली,  लोकल ट्रेन?... अरे ती तर मुंबईची लाईफ लाईन आहे... शान आहे... ती नाही तर मुबई नाही. पुढच्या काही वेळातच ते दादर ला पोहचणार होते, सागर ही पहिल्यांदाच मुंबईत येत असल्याने तो ही उत्सुक होता. .....

    काही क्षणातच ट्रेन दादर स्टेशनला पोहचली, भावना आणि सागर लगेज घेऊन उतरण्याच्या तयारीत होते. जस जसे पुढचे पॅसेंजर उतरता दोघे ही पुढे सरकत दादर स्टेशन ला उतरले. उतरताच सागरचे मुंबईतल्या धक्यांनी जंगी स्वागत झाले होते, काय होतय हे त्याला कळलेच न्हवते. भावनाने त्याला हाताला धरून त्या गर्दीतून ओढून घेतले. आणि सांगितले, असे उभे नको रहात जाऊस, पटकन बाजूला व्हायचे☺️ कळले ना?.... मुंबई कशी आहे ती, इथे ऑफिस सुटल्यावर प्रत्येकजण घरी जाण्याच्या तयारीत असतो, त्याला ट्रेन आणि ट्रेनचा डोर शिवाय काही दिसत नसते☺️☺️... चल आता असे म्हणत ते ब्रिजवर जाण्यास निघाले.   

 दादर ब्रिजवर चढताच हा एवढा जनसागर बघून सागर अचंबित झाला होता. कोल्हापूरला मोर्चा अन जत्रेतच इतकी किंव्हा कमीच लोकं पाहिली असतील. या गडबडीत मात्र भावना पुढे निघून गेली होती. तिला तो आपल्या पाठोपाठ च आहे असे समजुन ती चालत राहिली होती. सागर ला भावना कुठेही दिसत नसल्याने कावरा बावरा झाला होता, त्याची नजर तिथेच उभे राहून तिलाच शोधत होती त्या गर्दीत. इकडे सागर आपल्या सोबत नाही हे कळताच भावना खूपच घाबरली होती, काय करावे तिला सुचत नव्हते, ती पुन्हा माघारी फिरून त्याला शोधू लागली. त्या गर्दीत इतरां पेक्षा वेगळा आणि नवखी व्यक्ती म्हणून सागरला तिने पटकन ओळखले आणि धावत जाऊन त्याला बिलगली, आय एम सॉरी सागर.....😢 सगळी माझीच चुक आहे, मला कळायला हवे होते असे म्हणत त्याच्या सोबत गर्दीतून वाट काढत चालू लागली होती.

      दादर इस्ट मधून बाहेर निघाल्या वर तिने सागर करिता चांगल्या हॉटेल ची चौकशी करून त्याच्या करिता योग्य रूम बुक केली आणि रूममध्ये जाऊन सारकाही व्यवस्थित आहे का? हे पाहून आणि या इंटरकॉम वरून काय हवे ते मागव. असे म्हणत त्याच्या गालावर किस करून घरी जाण्या करिता निघाली. तिला घरी पोहचायला जरा उशीरचं झाला होता, घरातले सर्वजण तिच्या साठी जेवायचे थांबले होते. पटकन फ्रेश होऊन साऱ्यांसोबत तीही जेवायला बसली, जेवता जेवता तिने कोल्हापूरला केलेली धमाल, मजा मस्तीचे किस्से आणि विशेष   म्हणजे तिला ते गाव खूपच आवडले असे सांगितले. जेवण झाल्यावर मी उद्या मैत्रिणीकडे जाणार आहे आणि यायला उशीर होईल, असे सांगून झोपावयास निघून गेली. उद्या सागरला भेटायचे या विचारातच ती कधी झोपी गेली तिलाच कळले नाही.

      दुसऱ्या दिवशी सकाळी लवकर उठून आईने बनवलेला नाष्टा खाऊन सागरच्या रूम कडे रवाना झाली. तस तिच्या घरापासून जास्त लांब नसल्याने लगेच ती सागर ज्या हॉटेल वर थांबला होता तिथे पोहचली होती. रिसेप्शन वर नोंद करून तिने सागरच्या रूम ची डोर बेल वाजवली. बराच वेळ बेल वाजवल्या नंतर सागर ला जाग आली आणि त्याने डोर उघडला. अरे सागर तू अजून तयार नाहीस असे म्हणत त्याला अंघोळीला पाठवले, त्याचे बाकीचे आवरेपर्यंत कॉल करून नाष्टा मागवून ठेवला होता.

  तो बाहेर येता त्याला त्याच्या बॅग मधून तिच्या आवडीने ड्रेस घालावयास दिला. सागर ने ही ☺️ हसतच अरे वा☺️... माझी तुझी आवड एकच आहे की.. असे म्हणत त्याने नाष्टा करावयास घेतला. तू नाही का करणार? नाष्टा असे तिला विचारता भावना.. अरे मी घरातून खाऊन आली आहे रे... तू खाऊन घे☺️ असे  म्हणताच त्याने तिला एक घास भरवण्यास हात पुढे करता किती रे काळजी करतोस असे म्हणत तो घास तिने खाल्ला. तिने सागरला विचारले काय रे सागर?... कोणता स्पॉट बघायचा आहे तसे सागर म्हणाला तू नेशील तिकडे जाऊ आपण. सारकाही आवरून दोघे ही निघाले. त्याच्या इच्छे नुसार सागरला तिने दादर ते सी एस टी असा ट्रेन ने प्रवास घडवला. सागर ला सारकाही नाविन्यपूर्ण होते, भावना ही सागरला माहिती देत होती. जेणे करून त्यालाही मागेपुढे त्याचा फायदा होईल. सागर ही सारकाही समजुन घेत होता. ...

 

 

 

 

Cst स्टेशन  येताच ते दोघेही ट्रेन मधून उतरले. ती भव्यदिव्य वास्तू त्याला मनापासून आवडली होती, आणि सारकाही निरखून पाहत होता. ती वास्तू पाहून झाल्या वर भावनाने आता आपण गेट वे ऑफ इंडिया बघूयात असे सांगून स्टेशनच्या पुढच्या दिशेने बाहेर निघाले आणि डबल डेकर बस पकडून गेट वे ऑफ इंडिया ला जाण्यास रवाना झाले. सागर बस मधून त्या जुन्या भव्य रेखीव बांधकाम असलेल्या इमारती पाहत होता.

 भावनाने त्याला मस्करीतच... ए काय रे सागर... ☺️नक्की काय बघतोयस? इमारती की मुली😊  विचारले असता सागर ने पण ☺️ हसतच सुंदर मुली पाहत आहे, असे म्हणत तो ही मस्करीत हसला. गेट वे ऑफ इंडिया येता दोघे ही उतरले. जगातील एक भव्य दिव्य वास्तु आणि ताज हॉटेल हे याची देही याची डोळा पाहत होता. पाहण्या सारखेच होते. भावना त्याच्या हातात हात घालून त्याला गेट वे ऑफ इंडिया चारी ही बाजुने दाखवत होती. त्याच जोडीला खट्याळ पणे प्रेमात अखंड बुडालेले प्रेमीयुगल ही दाखवत होती. ते पाहून सागर जरा लाजतच होता. त्या उधानलेल्या अथांग समुद्राकडे सागर एकटक पाहत होता, त्याला त्यातून जागे करून भावनाने सागर बरोबर तिथे फिरणाऱ्या फोटोग्राफर कडून विविध पोझ मध्ये त्याच्या सोबत फोटो त्याची आठवण म्हणून काढून घेतले. फोटॊ काढताना सागर मात्र लाजत होता. फोटो काढून झाल्यावर लॉंच मधून दोघांनीही त्या अथांग समुद्र सफारी चा आनंद अनुभवला.

      समुद्रातील फेरफटका झाल्यावर भावना सागरला ताज हॉटेल जवळून दाखवू लागली, सागर ने ही तिला अग जवळून काय दाखवतेस? चल मस्तपैकी आत जाऊन कॉफी वैगेरे घेऊ... असे म्हणताच अरे सागर वेडा आहेस का?.. नको नको.... ते आपल्या सारख्यांच्या खिशाला न परवडणारे आहे... चल माघारी असे म्हणत ती त्याला मागे ओढत होती. पण सागर च्या तीव्र इच्छेपुढे तिचे काहीच चालले नाही, आणि त्याच्या सोबत ताज मध्ये प्रवेश करता राजेशाही, आलिशान आणि भव्य असे ते दृष्य पाहून दोघे ही मनोमन सुखावले होते. दोघांसाठी सार काही स्वप्नवत होते. दोघ ही छान पैकी कॉफी चा आस्वाद घेत सर्वत्र पाहत होते. काही वेळाने भव्य असे बिल ही पेड करून त्या स्वप्नातून बाहेर पडले.

      सागर ने भावना.. आता कुठे जायचे? असे विचारता तिने क्षणाचा ही विचार न करता मारिन ड्राईव्ह आणि बीच वर  जाऊयात असे म्हणत त्याचा हात हाती घेऊन टॅक्सी करिता उभे होते, टॅक्सी मिळताच तिथून मारिन ड्राईव्ह करिता रवाना झाले. मारिन ड्राईव्ह ला पोहचताच त्या मारिन ड्राईव्ह च्या दगडी तटबंदी (दगडी बांधकाम असलेल्या भिंती) वर ऊभे राहून वाऱ्याच्या सोबत उसळणाऱ्या त्या बेभान लाटांचा आणि धुंद करणारा त्या लाटांचा आवाज असे मनमोहक नजारा दोघे ही शांतपणे पाहत होते. भावनाने त्याला विचारले.. सागर कसा आहे?... हा नजारा. सागर च्या ओठावर अप्रतिम, शब्दात नाही ग... मी तुला सांगू शकत. थँक्स☺️ भावना तू मला थांबवून घेतलेस... त्या मुळेच मी हे दृष्य पाहु शकत आहे. पुन्हा एकदा थँक यू... सो मच. असे म्हणत ते त्या भिंतीवरून चालू लागले.


      चालताना इथे ही बिनधास्त पणे प्रेमी युगल त्याच्या प्रेमात मश्गुल होते. भावना ने त्याला डोळ्यांनीच खुणावले बसायचे का रे असे☺️. तसे सागर ए काही ही काय☺️ असे म्हणत पुढे चालू लागला. छान पैकी योग्य जागा बघून दोघे ही बसले. सागरने तिचा हात आपल्या हाती घेउन त्या अथांग सागरला पाहत होता, आणि भावना तिचे डोकं त्याच्या खांद्यावर ठेवुन प्रेमावरील गाणं गुणगुणत होती.

तो अभूतपूर्व रम्य नजारा डोळ्यां मध्ये साठवून बीच च्या दिशेने मारिन ड्राईव्ह च्या भिंती वरून जाऊ लागले. उसळणाऱ्या त्या लाटांचा धुंद करणारा तो आवाज आणि सोबत म्हणून प्रियकर सागर भावना साठी हे सारे सुखद होते. या आधी ती शुभदाला घेऊन आली होती, पण आजचा दिवस तिच्या साठी खुपच खास होता. चालत चालत दोघे ही बीच वर पोहचले होते. आता सागर खऱ्या अर्थाने आनंदी झाला होता, त्या उसळणाऱ्या अन फेसाळणाऱ्या पाण्यामध्ये तो जाऊ शकणार होता.


      त्याने क्षणाचा ही विलंब न करता त्या लाटांच्या दिशेने धावून गेला त्या लाटां सोबत धुंद होण्या करिता. लहान मूल जशी बेभान होऊन खेळतात तसा सागर त्या लाटांसोबत खेळत होता, भावना ही त्याच्या सोबत त्याला बेधुंद होऊन साथ देत होती. भावना जरा वेळाने त्या लाटांमधून बाहेर येऊन वाळूवर बसली होती, आणि त्याला जास्त आत नको जाऊस... सागर... असे सारखे समजावत होती. मनसोक्त मजा करून झाल्या वर सागर तिच्या जवळ येऊन बसला. तिला मिठी मारत... भावना आजचा दिवस माझ्या साठी खूप स्पेशल आहे, मी कधीच विसरणार नाही. असे म्हणता भावनाने त्याचे डोके आपल्या मांडीवर ठेऊन त्याच्या केसांमधून हात फिरवत हो का....? असे म्हणत त्याच्या गालाला चिमटा काढत शहाण्या तू तर मला सोडून लगेच जाणार होतास ना☺️, बघ माझं ऐकलस म्हणून तु आज किती खुश आहेस असे म्हणाली. सागर ही शांत पणे स्माईल देत तिच्या कडे एकटक बघत तिचे ऐकत होता. भावनाने आजुबाजूचा अंदाज घेत त्याच्या ओठांचे दीर्घ चुंबन घेतले. संध्याकाळ होण्यास सुरुवात झाली होती आणि दोघे मस्त रोमँटिक मूड मध्ये होते.


      वेळेचे भान लक्षात येताच विलग झाले आणि निघण्या पूर्वी खूप भूक लागल्याने त्या नयनरम्य सांज सोबत दोघांनी ही मस्त ओली भेळ आणि पावभाजी वर ताव मारला. .....

 

सागर आता आपण निघूयात खूप उशीर होईल नाहीतर असे भावनाने सागरला सांगितले. सागर ही... हो ग ....लगेच निघुयात आपण असे म्हणत दोघांनी ही आपल्या कपड्या वरची वाळू झटकून पुन्हा हॉटेल वर जाण्यास निघाले. बस मिळेपर्यंत जरा वेळ गेला, दादर ला जाणारी बस मिळाल्याने बस बदली करण्याचा त्रास वाचला होता. संध्याकाळची वेळ असल्याने ट्राफिक जास्त होती, त्यामुळे पोहचायला वेळ झाला होता. हॉटेलच्या रूम वर पोहचताच सागर ने तडक बाथरूम गाठले. घामाने चिंब भिजल्याने कधी एकदा अंघोळ करतो असे त्याला झाले होते,  थंड पाण्याने अंघोळ करून सागर बाहेर आला होता. अंघोळ केल्यावर त्याला जरा फ्रेश वाटत होते. त्याच्या पाठोपाठ भावना ही फ्रेश होण्याकरिता अंघोळीस गेली. घाई गडबडीत तिने टॉवेल घेतलाच नव्हता, सागरला आवाज देऊन तिने त्याकडून टॉवेल घेऊन अंग पुसून छातीपासून खाली टॉवेल लपेटून कपडे घेण्याकरिता बाहेर आली होती.

      त्या लपेटून आलेल्या टॉवेल मध्ये भावना अतिशय मधाळ आणि मादक दिसत होती. ओल्या केसांमधुन टपकणारे ते थेंब तिच्या गोऱ्यापान पाठीवरुन ओघळत होते. सागर ही काही क्षणां करिता मोहित झाला होता. सागर ने तिच्या जवळ येऊन तिला मागून मिठी मारून तिच्या त्या पाठीवरील थेंबांना आपल्या ओठांनी अलगद टिपू लागला होता, सागर च्या या कृतीने भावनाच्या श्वासांचा वेग वाढू लागला होता, त्याच्या प्रत्येक ओठांच्या हळुवार स्पर्शाने भावना बेधुंद होत होती. तिला उशीर होत होता पण सागरला नाही म्हणता ही येत न्हवते. तिला तो सहवास ही हवा होता, अन उशीर ही होत होता. अशा द्विधा  मनस्थितीत ती अडकली होती. सागर च्या हे लक्षात येताच त्याने स्वतःच्या मनावर ताबा ठेवत अलगद बाजूला होत भावना... लवकर कपडे घाल तुला उशीर होत आहे असे म्हणता भावना च्या मनात त्याच्या या कृतीने त्याच्या बद्दलचा आदर अजून ही वाढला होता. भावनाने त्याला घट्ट मिठी मारत ☺️आय लव यू सो मच...सागर असे म्हणत, काय रे सागर.. तुला कसं कळले माझ्या मनातले☺️ त्याला कीस करत विचारले. अग.. वेडे मनापासून प्रेम करतो तुझ्यावर.. तुझ्या मनातले नाही का कळणार?☺️.. असे म्हणत मिश्कीलपणे हसत ☺️ उशीर होईल तुला... निघ लवकर नाहीतर मला नाही जमणार स्वतःवर ताबा ठेवायला असे म्हणता, हो का शहाण्या असे म्हणत भावना कपडे बदलून, गुड नाईट माय स्वीट... हार्ट म्हणत घरी जाण्यास निघाली. 

      सागर तिला टॅक्सी पर्यंत सोडायला आला होता, व्यवस्थित जा असे म्हनून तो रूम वर आला होता. जेवणासाठी त्याने ऑर्डर करून टीव्ही बघत बसला होता. वेटर ने जेवण आणल्या वर त्याने जेवण वैगेरे करून बेड वर निपचिप पडून आज भावना सोबत घालवलेल्या क्षणांना आठवत होता. आज त्याने तिचे नखशिखान्त पाहिलेले एक वेगळेच रूप सतत त्याच्या डोळ्यासमोर येत होते. स्वतःच स्वतःशी हसुन कूस बदलून उशी (पिलो) आपल्या छातीला कवटाळून झोपी गेला होता.

     दुसऱ्या दिवशी सागर लवकर उठला होता. अंघोळ करून तिचीच वाट पाहत होता. इकडे भावना ही तयार होऊन नाष्टा करून घरच्यांना मैत्रिणी कडे आम्ही गेट टूगेदर करत आहोत आहे असे सांगून निघाली होती. अर्धा पाऊण तासात त्याच्या जवळ रूम वर पोहचली होती. आज तो तयारच होता हे पाहून भावना... अरे वाह.. आज लवकर आवरून बसला आहेस☺️ असे म्हणत हसली. आणि नाष्टा केलास की करायचा आहे असे विचारले असता, सागर तुझ्यासाठी थांबलो आहे, चल करूयात असे म्हणून दोघांनी ही नाष्टा केला. आज कुठे जायचे आहे असे सागरने विचारले असता, भावना ते तुझ्या साठी सरप्राईज आहे असे म्हणून चल आता... त्याच्या हाताला धरून म्हणाली. रूम वरून बाहेर पडत दादर स्टेशन ला येऊन दोघांचे तिकीट काढून दोघेही  VT (आत्ताचे CST) स्टेशन ला पोहचले. 

      पुढच्या दिशेने बाहेर निघून बसस्टँड वर बस ची वाट पाहात होते, गेटवे ऑफ इंडिया मार्गे जाणारी बस पकडून गेटवे ऑफ इंडियाला सागरला घेऊन उतरली असता, सागर.. अरे आपण कालच इथे आलो होतो ना.. मग आज दुसरे काहीतरी बघुयात ना.. असे म्हणाला. तसे भावना हो रे बाबा☺️ जरा थांब कळेल तूला असे म्हणून एलिफंटा ला जायचे तिकीट काढून एलिफंटाला जाणाऱ्या बोटीत मध्ये त्याला सोबत घेऊन बसली. सागर मात्र विचार करत होता की आपण कुठे निघालो आहोत? बोट जशी किनारा सोडून जस जशी एलिफंटा च्या दिशेने निघाली तसे चहू दिशांनी तो अथांग सागर आणि त्या पाण्यावर हेलकावे घेत असलेली ती बोट, आणि त्या अथांग सागरात बोटीच्या आजुबाजूला उडणारे असंख्य पक्षांचे थवे असे अद्भुत रम्य नजारे, हे सारं सागर पाहत होता. भावनाने त्याच्या हाताला आपल्या कवेत घेऊन, सागर कसे आहे हे?☺️ आवडले का तुला?.. असे विचारता सागर अद्भुत सारकाही अद्भुत आहे ग... भावना. तो रम्य नजारा बोटीच्या टॉप वरून बघत अर्धा ते चाळीस मिनिटात इच्छित स्थळी पोहचले होते. ....

 

बोट त्या एलिफंटाच्या धक्क्याला लागली होती. एक एक करून प्रवासी बोटीतून उतरत होते, सागर आणि भावना बोटीच्या टॉप वरून खाली उतरून बोटीतून धक्यावर आले होते. त्या धक्क्यावरुन पसरलेला तो अथांग सागर, आणि उसळणाऱ्या  लाटांमुळे अंगावर उडणारे ते लाटांच्या पाण्या बरोबर वाऱ्याच्या सोबतीने दोघे ही त्या धक्यावरून चालू लागले होते. धक्या पासून साधारणपणे अर्धा किलोमीटर अंतर होते, बाजूनेच लहान मिनी ट्रेन देखील होती. तरी ही दोघे एकमेकांच्या हातात हात घालून चालत होते. त्यांच्या सोबतच काही परदेशी पर्यटक देखील होते.

      एलिफंटाच्या पायथ्याशी पोहचल्यावर दोन्ही बाजूने मन मोहक वस्तू आणि कपड्याची स्टॉल स्वरूपात दुकाने होती. सागर ने भावना करिता ती नको म्हणत असताना ही तिला आवडेल अशी चांगली पर्स घेतली, आणि स्वतः साठी एक तिच्या नावाचे ब्रेसलेट घेऊन त्या एलिफंटाच्या पायऱ्या चढु लागले. त्या जागी पोहचल्यावर तिथल्या प्राचीन गुफा लेणी त्यांचे कोरीव काम पाहण्यात सागर तल्लीन झाला होता. आणि विशेष म्हणजे तिथे असलेल्या लोकल गाईड कडून त्या प्राचीन ऋषी मुनींची निवासस्थाने तसेच लेण्यांच्या बद्दल माहिती घेत होता. दोघे ही सारकाही पाहून झाल्यावर एका लेण्या जवळ असलेल्या दगडावर निवांत बसून  त्यांच्या पुढील आयुष्याबद्दल, त्यांच्या नात्याबद्दल तसेच मनसोक्त गप्पा मारल्या. भावनाला सागर ने आपल्या कवेत घेऊन.... थँक्स फॉर एवरीथिंग☺️ भावना असे म्हणत तिचा हात धरून... चल निघुयात आता असे म्हणत तिथून दोघे ही निघाले. खाली उतरत असताना एका हॉटेल मध्ये जेवण करून त्या धक्यावरून हाती हात घेउन त्या लाटांचा मनमोहक नजारा बघत चालत लाँच जिथून निघतात तिथे येऊन लाँच ची वाट पाहात होते. लाँच येता त्यामधून पुन्हा गेट वे ऑफ इंडिया च्या दिशेने रवाना झाले होते. दोघे ही लाँच च्या किनाऱ्या जवळ उभे राहून उसळणाऱ्या त्या लाटा, त्यासोबत मासे पकडण्यासाठी आजूबाजूने उडणाऱ्या पक्षांचे थवे असे नयनरम्य नजारे बघत गेट ऑफ इंडिया ला पोहचले होते.

      तिथून दादरला थांबलेल्या हॉटेल करिता रवाना झाले. हॉटेल वर पोहचताच सागर मस्त पैकी थंड पाण्याने अंघोळ करून बाहेर आला होता. त्याच्या पाठोपाठ भावना ही अंघोळीस गेली. तोपर्यंत सागर टीव्ही वर त्याचा आवडता पिच्चर क्रिमिनल बघत बसला होता. भावना चे अंघोळ करून बाहेर येणे आणि त्याच वेळी पिच्चर मधले "तुम मिले दिल खिले और जीने को क्या चाहीये" हे गाणं सुरू झाले होते. भावना बाहेर आली आहे याची सागरला कल्पना नव्हती. टॉवेल लपेटूनच ती सागर जवळ अलगद येऊन तिने त्याचा चेहरा आपल्या हाताने वर करत त्याच्या कपाळावर आपले ओठ टेकवले आणि मिश्किल पणे☺️ त्याच्या पासून जरा लांब जाऊन पाठमोरी उभी राहिली होती. सागर ला भावना चा इशारा कळताच तो तिच्या जवळ जाऊन त्याने तिच्या पाठीवरून अलगद केस बाजूला सारून तिच्या पाठीवरील ओघळणारे थेंब आपल्या ओठांनी टिपू लागला होता, आणि इकडे सुरु असलेले रोमँटिक गाणे.. तस तसे भावना बेधुंद होत होती. त्याचा ओठांचा प्रत्येक स्पर्श तिच्या नसा नसांतून रोमहर्षित होऊन तिला उत्तेजित करत होते. आता मात्र भावना ने आपल्या अंगावरील लपेटलेला टॉवेल स्वतःच्या हाताने काढून त्याला बिलगली होती. आणि आपल्या अधीर झालेल्या ओठांनी त्याच्या ओठांचे बेधुंद होऊन दीर्घ चुंबन घेत काम इच्छे च्या पुरती करिता पूर्णतः त्याच्या स्वाधीन झाली होती. सागर ने तिला अलगद उचलून बेड वर आणून दोघे ही त्या परमोच्च कामक्रीडे चा आनंद उपभोगू लागले होते. कामक्रीडेच्या त्या शेवटच्या क्षणांना तृप्त पणे उपभोगुन झाल्यावर दोघे ही एकमेकांकडे पाहत होते. तिच्या चेहऱ्यावर आलेल्या केसांना सागर.. आपल्या बोटांनी बाजुला करत... भावना.. 😢 आता मला निघावे लागणार असे तिला म्हणाला. असे म्हणताच भावना च्या डोळ्यांमध्ये पाणी तरळून आले होते.